大濛

4.3⭐一套各方面都非常出色嘅作品，編、導、演、攝影、剪接、美術、服裝、…..等等皆出色，能講好一個時代嘅感人尋兄故事。電影雖然係一個悲傷故事，但並無刻意賣弄慘情，反而絕大部分時間以生動、輕鬆又帶少少黑色手法去講故事，睇得輕鬆又有趣。男女主角方郁婷同柯煒林演出不俗，能演活角色，赢得觀眾憐愛及同情，為其遭遇而擔心/緊張。整體電影完成度高，故事劇情豐富，具質感，富感染力，係一套入到心嘅電影，值回票價，推薦入場！👍PS. (含劇透)• 最後男女主角醫院偶遇比較牽強咗啲啲，機會率雖然未至於零，但係咁樣寫佢哋重遇好似馬虎/簡單咗啲• 趙公道同黄秋月醫院相遇後其實又冇乜必要粒聲唔出走咗去，吹下水 keep in touch 都得啫 😅• 趙公道年紀應該比黃秋月大唔少，但最後醫院相遇果幕柯煒林個老妝似乎唔夠老，睇落重後生過老年黃秋月• 飛天賊劉冠廷個角色有啲無謂/突兀，似工具人，可有可無，純粹特別演出，冇呢個角色電影整體更工整• 呢兩、三年對台灣片嘅信心已盡失，呢套嘢從谷底挽回返少少 😅

很喜歡導演說故事嘅手法，Will Or 及 方郁婷演得出色，令觀眾更入戲！ God bless Will Or speedy recovery, 拍更多好戲給觀眾欣賞！

在沒有做任何功課下入場觀賞，每個地方都有黑暗時代，一個黑暗中相遇的故事，好睇！

先讚佈景，橫街窄巷的場景好有時代感 。加上人物做型都加分 。為了生活，偷呃拐騙都是常態 🥲進展有點慢，就連雲霧的比喻都長得要命 。自己沒有在台灣戒嚴時期出現過，投入感的確比「我們」差很多，有些橋段都幾不明所以。不過都可以賴到在編導身上 。明白Will沒有得到影帝的原因，主線不在他，有部分複雜的心情都未有機會表演到 。

電影以台灣戒嚴時期作為背景，但故事主軸唔係當時聚焦當時人民如何抗爭嘅境況，都唔係強調自由民主嘅美好，單純係圍繞一個學生家人尋找自己哥哥屍體，一路上體驗世界的殘酷嘅故事。至於電影嘅重點就由主角哥哥所寫嘅故事貫穿，揭示當時學生由樂觀變成無奈嘅心情轉變。雖然由當時重大事件嘅周圍切入，但仍然可以道出白色恐怖下嘅壓迫、無力、不忿、權力嘅不對等。睇完套戲最深嘅感受係，人類生存在世做過嘅事，除咗改變自身命運之外，同時亦會成為他人某時某刻嘅風景，繼而成為歷史洪流嘅一部份。會唔會有啲憧憬，無論有幾咁渴望同努力，即使有生之年都未必可以睇得到，但係當下嘅選擇已經將影響嘅種子埋下，末來某一日會實現？而我想提出嘅問題係，最後點解劉公道唔留低？

上次看關於台灣白色恐佈電影，已是多年前的悲情城市。悲情城市集中九份一家人幾兄弟嘅遭遇，去講述哩段沉痛嘅歴史。大濛帶觀眾由嘉義去到台北，除咗感受到恐𢣷同無形壓迫外，電影由城中形形式式嘅小人物，比觀眾了解到白色恐佈下嘅社會氛圍眾生相。導演用輕快配樂，大情大性嘅市井人物温情配以流利粗口，捉不到的大賊，去減低傷感度。以為逃過一刧，唔駛攞紙巾，最後一幕巧合重遇，氣氛愉快但難掩傷感。悲情城市主要角色用咗梁潮偉，因為係台灣片，要講台語，所以安排角色係啞巴。大濛用香港演員柯煒林做男主角，角色本身係廣東人，滿口廣東話，睇得有親切感。演技好，美指好，劇情好，用一件必須要完成嘅任務，貫穿所有旁枝，令觀眾睇得投入，佳作！